NO138448B - Fremgangsmaate for aa skille isopren fra en blanding ved rektifisering, to-trinns ekstraktiv destillasjon, og flash-destillasjon av loesningsmiddel - Google Patents

Description

Framgongsmåte til å tilverka eit kornvore eller kornforma produkt med skroven,

blærefyllt struktur, som høver til isoleringsføremål.

Det er ålment kjent korleis ein av lag-lege leirslag, eller av andre liknande kisel-syrehaldige emne kan laga eit kornvore

produkt med skroven struktur, som høver

til isoleringsføremål, ved at ein brenner

emnet i roterande omnar til.det vert samstundes mjukt og sintrar seg. Ved opp-verminga i omnen byrjar materialet etter

kvart å koma i slikt tilstand i samband

med at det vandrar framover i omnen, at

det klistrar. Denne håtten eller tenden-sen til å klistra er sterk, serleg i den hei-taste sona åt omnen, og den fører til at

materialet støyper seg saman i klumpar.

Medan omnen roterar stendig i same lei

— slik har det til no alltid gjenge føre seg

i dei omnane som vert nytta til å tilverka

det kornute, skrovne produktet nemnt

ovanføre ■— vil dei korna, som til kvar tid

er i botnen åt omnen fylgja rotasjons-rørsla åt omnen ei strekkje uppetter omns-sida. Herifrå rullar dei sidan attende ned

i den nederste sektoren av omnsperiferien.

Når omnen lutar noko mot avlaupsenden

for materialet, vil korna samstundes van-dra noko framåt mot avlaupet. Ein kunne

tenkja seg at denne samanhopinga av materialet kjem istand nokonlunde på fylgjande vis: Når dei kleimute korna rullar

nedetter, som nemnt framføre, freistar dei

riva med seg av materialet ikring seg nett

som ein rullande snøball, medan andre

korn har hang til å festa seg til omnsfo-ringa. Då omnen no stendig roterar i same

lei, vil rullinga åt materialkorna støtt bera

i same lei, alt medan dei og, som nemnt har ei rørsle mot avlaupsenden åt omnen. Dette har naturleg den fylgja, at korna veks seg større og større etterkvart dei skrid frametter. Nede i lågaste sektoren i omnen skipar dei seg då til lange saman-hangande materialkroppar. Såvorne sa-manhopingar av materialet minkar sjølv-sagt moneleg utbytet av høgklasses kvali-tetsprodukt av arbeidsprosessen, og dei gjev opphav til at drifta ulagast.

Det har vore freista å motverka denne samenbakingshangen ved å lata omnen rotera med stor periferisnøggleik. Ein slik framgongsmåte er det gjort framlegg om i det finske patentskriftet nr. 24595. Etter det er periferisnøggleiken åt inner-veggen åt omnen 15—100 m/min. Denne freistnaden har lell ikkje førd til å elimi-nera vanskane med samanbaking i ynsk-jande mon. Det ser ein av opplysingar om dei mengder ferdigprodukt som er oppnådd, i det 24 times drift, har gjeve berre 115 kub.m med periferisnøggleik 15 m/min. og

til dømes periferisnøggleik på 30 m/min. har gjeve 160 kub.m. på same tid. Dessutan

påførest omnen store mekaniske røyningar ved desse store snøggleikane.

Eit amerikansk patent nr. 1 004 340, som er kunngjort alt i 1911 gjeng ut på å nytta ein omn, som er delt i to sjølstendig roterande bolkar i rekkjefylgje, der den siste bolken i vandringsretninga åt materialet vert driven med større periferisnøgg-leik enn den føregåande bolken, for såleis å motverka at materialet samanbakast og klistrar. Her gjaldt det av jarnmalm å skilja burt svovel og produsera korn av j arnmalmpulveret.

Eit framlegg etter same verkemåte er gjort for ein omn for å tilverka eit kornvore isoleringsmateriale med blærefyllt struktur ved å brenna leire, gjenom det danske patentet nr. 87744. Trass i at produktmeng-dene som er oppnådde er moneleg auka — etter opplysing i patentskriftet — i høve til det den nemnde finske framgongsmåten etter patent 24595 var god for, så ligg det mykje til atters for det ein kan ynskja.

Etter det danske patentskriftet, vart det i ein omn, der indrediameteren åt fyrste bolken var 2,5 m, og åt andre bolken 3,5 m tilverka ca. 300 kub.m ferdig vare på 24 timer, derav var 90 pst. på 3—20 mm i diameter. Då var periferisnøggleiken i fyrste bolken 23,6 m/min. eller 3 svarv/min og i andre bolken 44 m/min. eller 4 svarv/ min. — Når den same omnen vart driven med periferisnøggleikar på innerveggene på 15,7 m/min eller 2 svarv/min på fyrste bolken, og så mykje som 109,9 m/min. eller 10 svarv/min på andre bolken vart det tilverka ei mengd på 400 kub.m, og framleis ca. 90 % korn av storleik 3—20 mm i diameter. Denne framgongsmåten har, som ein ser av tilverkingsdømet og den mange-len, at omnen, serleg den siste bolken lyt drivast med stor periferisnøggleik.

Til alle dei framgongsmåtane som er omhandla i dei hittil nemnde patentskrif-tene knyter det seg den ettermonen, at det materialet, som er under arbeid, enten omnen er einfeld eller delt, roterar i same lei på heile ein veg gjenom omnen. Av den grunn lyt ein arbeida med dei høge peri-ferisnøggleikane for å få eit rimeleg godt utbyte. — For å hindra samanbakinga har det vore freista med åtskilege ulike element inne i omnen såsom krosskiner, perforera traktar, rørlege skufler, kjeder og anna liknande skipnader, men alt dette har vore meir eller mindre mislukka løysingar. — Til og med i slettmura omnar kan samanbakinga vera så sterk, at ho kan laga heile ringar av materiale, som kan veksa så til at omnen gror att, omnen lider av «kolik», som fagfolk segjer. — For å løysa ein slik ring, nyttar ein i Amerika ein sokalla «Kiln-gun»-kanon. Med den skyt ein ringen burt under drift, og freistar få ut bitane av ringen utan å stogga omnen. Jamvel om dette lukkast, valdar alt ringskipinga store skiplingar i temperaturtilstandet langs omnen, medan tilverkinga krev ein nøgje og jamn temperaturgong for å verta vellukka. Medan då temperaturgongen retter seg opp att til det ynskjelege tilstandet tapar ein i produksjonsmengd, og kvaliteten tapar seg og tidt moneleg. — Det er så at etter det franske patentskriftet nr. 382 491 av år 1906, er det framført ein brennomn med bolkar som roterar i motsette leier. Men patentet her medar på å løysa eit heilt anna problem, og på å tilverka heilt andre produkt. Det gjeld her å få det materialet som er under arbeid til å findelast og falla sundt, slik at brenningsgassane og kjøle-lufta overalt skal koma i nøgje samblan-ding med materialpartiklane, og at det brende produktet alt når det kjem or omnen er så findelt som råd er. — Dette freistar då dette patentet å oppnå ved to mot-roterande omnsbolkar, som skal halda materialet i uavbroti blandings- og kast- og fallrørsle, og endringen av rotasjonsleia hjelper i vissa til å oppnå denne verkinga. — Verkeleggjeringa av tanken med denne oppfinninga vert mogeleg ved det, at det ikkj e oppstend nokon hang til samanbaking i det materialet som det vert arbeidt med i dette høvet, når materialet vert brennt.

Etter patentskriftet, har førevermings-og kjølebolkane åt denne omnen på Inner-veggen ei viss mengd medtakings- og kaste-element. Det eigenlege brennområdet har og difor ein sers konstruksjon. Kvar av dei sjølvstendig roterande omnsbolkane er oppbygde av to sylindrar med ulike dia-metrar, den eine inne i den andre, so det vert eit millomrom millom dei. Sylindrane er feste til kvarandre med langsgåande skiner i millomrommet. I dei roma som såleis oppstend kan materialet, som er under arbeid trengj a inn gj enom mange åpningar i sylinderveggene. Gjenom dei same åpningane kan og materialet falla ned ettersom omnen dreier rundt. Dette franske patentet 382491 er ikkje rekna på eit materiale som vert kleimut ved oppverming. Skulle ein freista brenne den slags materiale i ein slik omn, ville på stutt tid åpningane i den indre sylinderen teppast heilt til, og det tilsikta resultatet utebli. Når det gjeld dette franske patentet lyt ein vidare peika på, at tilverkinga åt den slags isoleringsmateriale, som er føremålet for mi oppfinn-ning, vart kjend først 3 decenniar etter at dette patentet vart kunngjort. Ved den tid kunne ein såleis ikkje eingong vera medvitne om dei vanskar det kunne byda på å laga kornvore isoleringsmateriale med blærefyllt struktur av leire. — Uventande har ein no i mellomtida konstatert, at sa-manbakingshangen åt materialet og vanskane elles som valdast av samanbakinga kan borttakast heilt, når materialet vert handsama i samsvar med den oppfinninga som vert framlagd her. D.v.s. ved at ein brigdar rotasjonleia åt omnen såleis, at ho vert snudd til motsett lei ein eller fleire gonger under tilverkinga. Takk vere denne oppfinninga oppnår ein då å få utbytet av fyrsteklasses produkt til å auka til nærpå 100 %. Såleis har det til isoleringsføremål unyttande materialet såsom pulver, ring-bitar, store klumpar, og i den seinare ma-ling og knusing uforskilde vrakmateriale minka til praktisk tala ingen ting. For di når omnen rotera berre ein veg, samla materialkorna, som rulla gong på gong i same lei seg til klumpar eller i linnare høve til drueklase-liknande samlingar. Men når rotasjonsleia vert snudd til motsett lei, er det nett som klumpen eller drueklasen gjer seg laus frå festestaden sin, og medan han no rullar gong på gong nedover med mot-rotasjon i høve til den tidlegare rotasjonen, byrjar dei å minka i storleik nett som eit nyste som løyser seg opp. På grunn av den omsnudde rotasjonen vil det materialet som hadde klistra seg, no falla sundt, både det på omnsveggene og det, som hadde hopa seg saman i omnsbotnen, medan det rullar nedover, såleis som det er freista å gjeva ei skildring av tidlegare. Det syner seg at materialet ikkje klistrar seg pånytt lag. Såleis vil korkje den tidlegare vedva-rande samanbakinga av materialet eller opphopinga i nederste sektoren i omnen halda fram. Framgongsmåten etter denne oppfinninga, å brigda rotasjonsleia åt materialet, fær ein best til såleis at ein nyttar ein omn, som er delt i to eller fleire i rekkje fylgjande bolkar, som roterar kvar for seg sjølvstendig, og såleis, at av desse bolkane ein, som i høve til vandringsleia åt materialet er framføre, alltid har svive-leid motsett av den bolken som er nærast etterfylgjande. Ein kan og nytta ein omn som er bytt i to eller fleire bolkar, der rotasjonsleia åt dei einskilde bolkane kan brig-dast etter høvelege tidsrom så dei vert motsett kvarandre. Dette kan best gå føre seg såleis, at to nærast fylgjande bolkar samstundes har motsette rotasjonsleier. So kan og nokre av bolkane i ein oppdelt omn rotera i båe leier, og andre bolkar i kvasom-helst lei.

Periferisnøggleikane åt innerveggene åt dei einskilde bolkane kan verta skift på etter godtykkje til dømes såleis, at dei aukar i den lei materialet vandrar. Dei einskilde bolkane kan og ha same periferi-snøggleik. — Når tilverkinga føregjeng 1 ein omn såleis at heile omnen roterar likt, og der den fremre kverven åt omnen verkar som den eigenlege turkesona, og den attare omnskverven verkar som den eigenlege brenningssona, der vert brigdet i rotasjonsleia mest einfelt sett i verk, ved at ein med høvelege tidmellomrom snur rotasjonen åt heile omnen til motsett lei. Snuinga kan gjerast ein eller fleire gonger.

Framgongsmåten i samsvar med den oppfinninga som føreligg her skal klårgje-rast gjenom dette dømet på ein tilverkings-gong: Leire som heldt omlag 30—35 % vatn vart mata inn i ein roterande omn i høve-lege klumpar. Omnen var delt i to sjølv-stendig roterande bolkar, som låg innåt kvarandre i rekkjefylgje. Den fyrste bolken i frammatingsleia åt materialet verka som eigenleg turkingssone, og den andre som eigenleg brenningssone. — I denne saman-hangen meiner ein med «turkingssone» og «brenningssone» ikkje bokstaveleg at den fyrste omnsbolken heilt til endes berre skulle verka turkande på materialet, og den andre bolken heilt tilendes i si heile lengd skulle verka berre brennande. Dysene for brenslet var såleis sett inn på det viset, at materialet byrja mjukna og sintra alt 4—5 m føre enden åt turkingssona under si vandring mot brenningssona, som hadde svivelei motsett åt turkingssona. Dei siste omlag 5 m åt brenningssona verka som ein kverv til å kjøla produktet, og samstundes til å føreverma lufta åt brenninga. Brensle-dysene som ein nytta, stakk omlag 5 m inn i omnen sett frå nederste enden. Den fyrste omnsbolken hadde lengda 24,5 m og indre diameter 2,2 m. Den andre bolken hadde lengda 20,5 m og indre diameter 2,7 m. Periferisnøggleiken åt innervegger var den same i båe bolkane, og var 14,5 m/min. Omnsbolkane rotera i motsette leier. Rota-sjonssnøggleiken hjå fyrste bolken var såleis omlag 2,1 svarv/min og hjå andre bolken omlag 1,7 svarv/min. Materialet verm-dest opp med direkte oljeoppverming til byrjande bråning, og såleis at det alt i endekverven åt fyrste bolken byrja mjukna. Turkinga åt materialet vart gjenomførd ved hjelp av dei brende gassane, ved at ein leidde dei gjenom den fyrste omnsbolken. I laupet av 24 timar fekk ein med denne skipnaden laga eit produkt på omlag 450 kub.m., som inneheldt nærpå 100 % ball-forma korn av storleik 3—30 mm, og som hadde volumvekt (spesifikk vekt) på 250— 300 kg/kub.m. — Med den same omnen gjenomførdest og ei jamførande prøve, då ein dreiv båe omnsbolka i ei og same lei, periferisnøggleikane var den same for båe bolkane, og dei same som i føregåande døme. Like eins var råmaterialane dei same osv. som tidlegare. Under denne prøva byrja materialet å klistra heller snøgt, og tilverkingsresultatet på 24 timar minska til omlag 300 kub.m. Kornstorleiken var nærpå den same som i første dømet, om og noko ujamn i forma.

Som det såleis gjeng fram av desse døma, kan ein oppnå avgjerende betring i mengd og kvalitet for produktet, når ein i samsvar med denne oppfinninga nyttar delte omnar og let omnsbolkane rotera i motsette leier.

Då ein ved å nytta framgongsmåten i samsvar med denne oppfinninga, kan ein arbeida med låge svarvtall og låge peri-ferisnøggleikar med godt utbyte, og utan at materialet klistrar seg, kan ein spara maskintilfanget for meinlege røyningar, og. imot snøgg nedsliting.

Ved vidare å dela brenningssona åt omnen i to eller fleire bolkar i rekkjefylgje, som roterar sjølvstendig, og som verkar,i samsvar med denne oppfinninga, d.v.s. som skifter rotasjonslei åt materialet, kan ef-fektiviteten åt omnen betrast ytarlegare.

Claims (1)

1. Framgongsmåte til å tilverka eit kornvore produkt med blæret struktur av lag-lege leirslag, ved å brenna leira i ein roterande omn til ho byrjar bråna, kjenne-teikna ved at brenninga fyregjeng i ein — i og for seg kjend — roteromn, som ut-gjerest av to eller fleire, sjølvstendig roterande omnsbolkar i rekkjefylgje, som vert drivne soleis, at rotasjonsleida åt kvar av omnsbolkane alltid er motsett åt rotas jons-leida åt den nærast fyregåande omnsbolken.